ពិព័ររូបថតនឹងធ្វើឡើងចំថ្ងៃព្រះសុរិយារះចំកណ្តាលពីលើកំពូលប្រាសាទអង្គរវត្ត
2016-Sep-18 350 views

លោក ពណ្ណ រាយ    ១៨ កញ្ញា ឆ្នាំ២០១៦

         អាជ្ញាធរជាតិអប្សរា ត្រូវរៀបចំការតាំងពិព័រណ៍រូបថតដោយភ្ញៀវទេសចរនៅចំពេលព្រឹត្តិការណ៍ព្រះសូរិយារះចំកណ្តាលពីលើកំពូលប្រាង្គប្រាសាទអង្គរវត្តនៅព្រឹកថ្ងៃទី២៣ ខែកញ្ញា។
         ការតាំងពិព័រណ៍រូបថតត្រូវបានធ្វើឡើងក្រោមប្រធានបទ «អង្គរក្នុងកែវភ្នែកភ្ញៀវទេសចរ» នឹងរៀបចំដោយអាជ្ញាធរជាតិអប្សរា និងមជ្ឈមណ្ឌលបណ្តុះបណ្តាលជំនាញ និងទទួលថតភាពយន្តនៅកម្ពុជា ចាប់ពីថ្ងៃទី២៤ ខែកញ្ញា ដល់ថ្ងៃទី៣ ខែតុលា ឆ្នាំ២០១៦ នៅខាងមុខប្រាសាទអង្គរវត្ត។
        អាជ្ញាធរជាតិអប្សរា បានអំពាវនាវដល់ភ្ញៀវទេសចរជាតិ និងអន្តរជាតិទាំងអស់ចូលរួមក្នុងកម្មវិធីតាំងពិព័រណ៍នេះ និងចូលរួមផ្សព្វផ្សាយអំពីភាពអស្ចារ្យនៃអង្គរទៅកាន់ពិភពលោកទាំងមូល។ ប៉ុន្តែពុំអនុញ្ញាតឲ្យមានការបង្ហោះ Drone នៅក្នុងបរិវេណប្រាសាទដោយគ្មានការស្នើសុំឡើយ។
         នៅតំបន់សៀមរាបអង្គរ នឹងកើតមានបាតុភូតធម្មជាតិអច្ឆរិយៈ ដោយព្រះសុរិយានឹងរះឡើងចំកណ្តាលពីលើកំពូលប្រាង្គប្រាសាទអង្គរនៅថ្ងៃទី២៣ ខែកញ្ញា នៅចន្លោះម៉ោង៤ ទៅម៉ោង៦ព្រឹក។
         ក្រសួងទេសចរណ៍ បានប្រកាសជួនដំណឹងដល់ភ្ញៀវទេសចរជាតិ និងអន្តរជាតិ សូមកុំឲ្យបាត់បង់ឱកាសមើលបាតុភូធម្មជាតិដ៍មហស្ចារ្យកម្រមាននេះ ហើយបានអំពាវនាវដល់ប្រតិបត្តិករទេសចរណ៍ ការីទេសចរណ៍ ក្រុមហ៊ុនទេសចរណ៍ និងភ្ញៀវទេសចរជាតិ-អន្តរជាតិទាំងអស់ ចូលរួមទស្សនា និងផ្តិតយកទិដ្ឋភាពដ៏ជាទីគយគន់នេះឲ្យបានច្រើនកុះករ ដើម្បីធ្វើការផ្សព្វផ្សាយចែករំលែកព័ត៌មានសម្រាប់គោលដៅទេសចរណ៍កម្ពុជា ព្រះរាជាណាចក្រអច្ឆរិយៈ ផ្តល់ភាពកក់ក្តៅដល់ភ្ញៀវទេសចរ ទៅកាន់ពិភពលោកតាមគ្រប់មធ្យោបាយផ្សព្វផ្សាយ។

 

អត្ថបទទាក់ទង

យុវជនកម្ពុជា២២នាក់ទៅសិក្សាស្វែងយល់សេដ្ឋកិច្ច និងវប្បធម៌ជប៉ុន
កម្ពុជា-អាមេរិករួមគ្នាទប់ស្កាត់ការនាំវត្ថុបុរាណកម្ពុជាខុសច្បាប់ចូលទៅសហរដ្ឋអាមេរិក (សូមទស្សនារូបភាព)
រ៉េត ស៊ូហ្សាណា បានសកឲ្យអ្នករិៈគន់
បេក្ខជន ថែល ថៃ បានក្លាយជាម្ចាស់ពានរង្វាន់ The Voice Cambodia
តើបេក្ខបុរស-នារីរូបណាទទួលបានពានរង្វាន់ The Voice នៅថ្ងៃអាទិត្យនេះ?
រ៉េត ស៊ូហ្សាណាធ្លាក់ពីកម្មវិធីប្រឡងចម្រៀងលំដាប់ពិភពលោកThe Voice Cambodia
បេក្ខជនឆ្នើម៤រូបចូលទៅវគ្គផ្តាច់ព្រាត់ក្នុងកម្មវិធី The Voice Cambodia
បេក្ខនារីចម្រៀងវ័យក្មេង រ៉េត ស៊ូហ្សាណា ធ្វើឲ្យទស្សនិកជនភ្ញាក់ផ្អើល
តារាភាពយន្តលោក ប៉ែន ចំរ៉ុង រងការរិៈគន់ពីសាធារណជន
កម្ពុជាត្រៀមចុះល្ខោនខោលក្នុងបញ្ជីបេតិកភណ្ឌពិភពលោក
សំណង់អគារសម័យបារាំងនៅទីក្រុងភ្នំពេញត្រូវអភិរក្ស
loading...